0
0
چیئر مین سینٹ یوسف رضا گیلانی اور اسپیکر قومی اسمبلی سر دار ایاز صادق نے کہا ہے کہ شیلا جیکسن پاکستان میں قدرتی آفات کے دوران متاثرین کی امداد میں پیش پیش رہیں۔ اپنے بیان میں اسپیکر قومی اسمبلی سردار ایاز صادق نے امریکی کانگریس کی رکن اور کانگریس میں پاکستان کاکس کی چیرپرسن محترمہ شیلا جیکسن لی کے انتقال پر اظہار تعزیت کیا اور کہاکہ شیلا جیکسن لی کے انتقال خبر سن کر دلی صدمہ ہوا ۔
انہوںنے کہاکہ شیلا جیکسن پاکستان کی مخلص دوست تھیں،شیلا جیکسن لی نے کانگریس میں ہمشیہ پاکستان کی حمایت کی۔اسپیکر قومی اسمبلی نے بتایاکہ شیلا جیکسن پاکستان میں قدرتی آفات کے دوران متاثرین کی امداد میں پیش پیش رہیں۔
انہوںنے کہاکہ پاکستان کیلئے محترمہ شیلا جیکسن لی کی خدمات لائق تحسین ہیں ۔انہوںنے کہاکہ دکھ اور افسوس کی گھڑی میں پاکستان پارلیمان اور عوام محترمہ شیلا جیکسن لی کے خاندان کے غم میں برابر کی شریک ہیں۔
چیئرمین سینیٹ سید یوسف رضا گیلانی نے امریکی رکنن کانگریس شیلا جیکسن لین کے انتقال پر دکھ اور افسوس کااظہار کیا ہے ۔ چیئر مین سینٹ نے کہاکہ شیلا جیکسن لین پاکستان کی سپورٹر اور دوستن تھیں ، انتقال کا سن کر دکھ ہوا۔یوسف رضا گیلانی نے کہاکہ شیلا جیکسن لی نے کانگریس میں پاکستان کے لئے آواز بلند کی۔ چیئر مین سینٹ نے کہاکہ پاکستان ایک مخلص دوست سے محروم ہو گیا ہے۔چیئرمین سینیٹ سید یوسف رضا گیلانی نے شیلا جیکسن لی کے خاندان کے ساتھ اظہار یکجہتی کیا ۔
