سی پیک ٹو پر بھی تیزی سے کام آگے بڑھے گا، وزیر اعظم شہباز شریف

Spread the love

Read Time:39 Second

وزیر اعظم شہباز شریف نے کہا ہے کہ جلد چین سے اعلیٰ سطح کا وفد پاکستان کا دورہ کرے گا، سی پیک ٹو پر بھی تیزی سے کام آگے بڑھے گا۔

کابینہ اجلاس میں گفتگو کرتے ہوئے شہباز شریف نے کہا کہ آپ سب کی کاوشوں سے چین کا دورہ کامیاب رہا، چین کے دورے سے پہلے کئی اجلاس کیے۔

انہوں نے کہا کہ دورۂ چین میں سیکیورٹی سے متعلق معاملات ایجنڈے میں سر فہرست تھے، دورۂ چین میں حکومتی وفد کے سامنے ہر سطح پر سیکیورٹی کا ایشو اٹھایا گیا ۔

شہباز شریف کا کہنا ہے کہ چینی حکومت کی سطح پر بھی جگہ جگہ سیکیورٹی خدشات کا اظہار کیا گیا، یہی بات بار بار اٹھائی گئی، مگر دورے کا اختتام مثبت نوٹ پر ہوا ہے۔