وزیراعلیٰ سندھ مراد علی شاہ سے نیول چیف ایڈمرل نوید اشرف نے ملاقات کر کے عہدہ سنبھالنے پر مبارکباد دی ہے۔

Spread the love

Read Time:39 Second

وزیراعلیٰ سندھ کے ترجمان کے مطابق اس ملاقات میں پیشہ ورانہ امور پر بات چیت بھی کی گئی۔

مراد علی شاہ کا کہنا تھا کہ کراچی نیوی کا شہر ہے، کراچی ساحل پر ہونے کے باعث اس کو ہم میری ٹائم شہر کہتے ہیں۔

وزیراعلیٰ سندھ نے کہا کہ نیوی کی سندھ میں تعلیم اور صحت کے شعبوں میں گراں قدر خدمات ہیں، سیلاب کے دوران پاکستان نیوی نے بھی سندھ کے عوام کی بھرپور مدد کی۔

ملاقات میں نیول چیف نے کہا کہ پاکستان نیوی سندھ کی ساحلی پٹی پر تعلیم، صحت، فلاح و بہبود کے کام سرانجام دیتی ہے۔

وزیراعلیٰ نے نیول چیف کو اجرک اور سندھی ٹوپی کے تحائف پیش کیے جبکہ نیول چیف نے وزیراعلیٰ سندھ کو پی این ایس یرموک شپ کا ماڈل پیش کیا۔