0
0
چیف جسٹس پاکستان قاضی فائز عیسیٰ پر عدم اعتماد سے متعلق سوال پر چیئرمین پاکستان تحریک انصاف بیرسٹر گوہر نے اپنا مؤقف پیش کیا ہے۔
چیئرمین پاکستان تحریک انصاف بیرسٹر گوہر سے سوال کیا گیا کہ کیا بانی پی ٹی آئی اور کورکمیٹی کا فیصلہ قاضی فائز عیسیٰ کے سامنے رکھیں گے کہ آپ کیس کی سماعت سے ہٹ جائیں؟
بیرسٹر گوہر نے جیو نیوز سے گفتگو میں جواب دیتے ہوئے کہا کہ وکلا جسے چاہیں گے وہ اس کیس کو آگے بڑھائیں گے۔
PTI کا چیف جسٹس پر عدم اعتماد، جسٹس فائز عیسیٰ ہمارے کیسز میں نہ بیٹھیں، ان کے آنے کے بعد ہمیں انصاف نہیں مل رہا، رؤف حسن
ان سے سوال کیا گیا کہ تو کیا کور کمیٹی اور بانی پی ٹی آئی کے فیصلے سے بڑھ کر وکلا ہیں؟
بیرسٹر گوہر خان نے کہا کہ ہم سپریم کورٹ جا رہے ہیں، وکلا پیش ہو رہے ہیں کیس کو آگے چلایا جائے گا، کور کمیٹی کا الگ مؤقف ہے یہ وکلا کیس کر رہے ہیں۔
اس پر صحافی نے کہا کہ کیا اسے دوہرا معیار نہ کہا جائے؟ جس پر بیرسٹر گوہر خان نے جواب دیا کہ نہیں ایسا بالکل بھی نہیں ہے۔
