پنجاب: جیلوں میں بیرک تیار، بھکاری مافیا کیخلاف کریک ڈاؤن کا فیصلہ

Spread the love

Read Time:39 Second

محکمۂ داخلہ پنجاب کی جانب سے بھکاری مافیا کے خلاف کریک ڈاؤن کا فیصلہ کیا گیا ہے۔

ترجمان محکمۂ داخلہ کا کہنا ہے کہ پنجاب کی جیلوں میں بھکاری مافیا کے لیے بیرک تیار ہو گئے، بھکاری مافیا کے لیے مختص ہر بیرک میں 100 سے 200 افراد کی گنجائش ہے۔

محکمۂ داخلہ کے ترجمان نے کہا ہے کہ بڑے شہروں میں ضرورت کے پیشِ نظر بیرکس بڑھا رہے ہیں، بھکاری مافیا گینگ لیڈرز کے لیے سزا میں اضافے کا قانون لا رہے ہیں۔

ترجمان کا یہ بھی کہنا ہے کہ یہ قانون بچوں کے اغواء اور جبر و تشدد میں ملوث گینگ لیڈرز مافیا کو ٹارگٹ کرے گا، پیشہ ور بھکاری بنانے کے لیے بچوں اور خواتین پر ظلم کرنے والوں کو سخت سزائیں دی جائیں گی۔