0
0
ذرائع کے مطابق جسٹس علی باقر نجفی کو ملنے والے مشکوک خط کے بعد لاہور ہائیکورٹ کے جج صاحبان کو ملنے والے خطوط کی تعداد 6 ہو گئی ہے۔
ذرائع کا بتانا ہے کہ مشکوک خط سی ٹی ڈی کے حوالے کر دیا گیا ہے۔
یاد رہے کہ لاہور ہائیکورٹ کے ججز کے علاوہ سپریم کورٹ اور اسلام آباد ہائیکورٹ کے ججز کو بھی مشکوک دھمکی آمیز خطوط موصول ہوئے ہیں۔
وزیراعظم شہباز شریف نے مشکوک خطوط کے معاملے کو سنجیدہ نوعیت کا مسئلہ قرار دیتے ہوئے اس کی تحقیقات کرانے کا اعلان کیا ہے۔
یہ بھی پڑھیں
سپریم کورٹ، ہائی کورٹ ججز کو بھجوائے گئے دھمکی آمیز خطوط کی تفتیش میں اہم پیش رفت
چیف جسٹس پاکستان سمیت سپریم کورٹ کے 5 ججز کو بھی دھمکی آمیز خطوط موصول
لاہور ہائیکورٹ کے 4 ججزکو بھی دھمکی آمیز خطوط موصول
دوسری جانب ذرائع کا بتانا ہے کہ سی ٹی ڈی کو خطوط سے ملنے والے پاؤڈر کی فارنزک رپورٹ موصول ہوگئی ہے، خط سے ملنے والے پاؤڈر میں آرسینک کی موجودگی کا انکشاف ہوا ہے۔
ذرائع کے مطابق رپورٹ میں خطوط میں موجود پاؤڈر میں آرسینک کی مقدار 10 فیصد پائی گئی، پاؤڈر میں آرسینک کی 70 فیصد سے زائد مقدار بہت زہریلی ہوتی ہے، اس کے سونگھنے سے انسان کے اعصاب پر شدید اثر پڑتا ہے۔
