0
0
بھارت کے معروف کامیڈین اور پروگرام میزبان کپل شرما نے پاکستانی یوٹیوبر نادر علی کے ساتھ شو کرنے کی خواہش کا اظہار کر دیا۔
یوٹیوبر نادر علی کی جانب سے سوشل میڈیا پیج پر اپنی ایک کال ویڈیو شیئر کی گئی جس میں انھیں کپل شرما سے بات کرتے دیکھا جا سکتا ہے۔
نادر سے کال پر گفتگو کے دوران کپل شرما کا کہنا تھا کہ’ نادر ، میں آپ کو بہت پسند کرتا ہوں، میں ابھی آپ کا شو دیکھ رہا تھا، آپ بہت اچھا بولتے ہیں اور اپنے شو کو بہت اچھا ہوسٹ کرتے ہیں، میں چاہتا ہوں ہم ساتھ میں کبھی دبئی میں ایک شو کریں‘۔
آڈیو کال کے دوران کپل کا نادر سے کہنا تھا کہ ’نادر میں امرتسر سے ہوں اور مجھے پتا ہے آپ بھی آس پاس سے کہیں ( لاہور سے) ہو، میرے آباؤ اجداد بھی لاہور سے تھے، میرے والد امرتسر میں 1915 میں پیدا ہوئے، میری بھی لاہور سے کئی یادیں جڑی ہوئی ہیں ‘۔
یہ بھی پڑھیں
ویوز کیلئے نادر علی اندھے ہوجاتے ہیں، متھیرا خواتین کیساتھ نامناسب رویے پر پھٹ پڑیں
شو میں مذہب تبدیلی سے متعلق سوال پر نادر علی کو سخت تنقید کا سامنا
کپل نے نادر کی تعریف کرتے ہوئے مزید کہا کہ ’نادر میں آپ کو بہت پسند کرتا ہوں، کسی دن ہم دبئی میں ملتے ہیں، ہم نے کچھ اچھی چیزیں بنائی ہیں جس کیلئے میں چاہتا ہوں کہ آپ بھی اس کا حصہ بنیں، میں جب بھی دبئی آیا تو آپ کو کال کروں گا پھر ہم دبئی میں ملاقات کریں گے‘۔
کپل کی گفتگو سن کر نادر نے بھی مسکرا نے کے بعد ان سے دبئی میں ملاقات کیلئے حامی بھر لی۔
اس دوران نادر علی نے کپل شرما سے اپنی والدہ بھی بات بھی کروائی جنہوں نے کپل شرما کی تعریف کرتے ہوئے انہیں دعائیں بھی دیں۔
